நீலத் தீ
======
ஒரு பூதத்தின் தலையில் நின்றபடி
இரண்டு பூதங்கள் எரிவதைப் பார்க்கிறேன்

மேலொரு பூதம்
தன் மார்பில் ஊறும்
மற்றொரு பூதத்தை மிதக்கவிடுகிறது

எல்லாம் ஒழுங்கின்மையின் பச்சைத் சுடர்

நான் படைத்த ஆறாவது பூதம்
உயிர் பெற்று விட்டது

அகம் அழிவின்மையின் நீலத் தீ

உயிர் மெய்
மெய் கருப்பு

உடல் பச்சை
சதை செம்மண்

எனது ஆயுதம்
த எனத் தகிக்கும் மொழி

அழித்தல் இயலாமை

- தேன்மொழி தாஸ்

19.11.2016
05.32pm